O.P.V. Olgemjeen Plat Vloams

Wie houdt zich daarmee bezig ? Super

HET DIALECT VAN JE DORP OF STAD,

KIJK DAN RECHTS OP HET SCHERM EN KLIK OP DORP OF STAD; http://www.mijnwoordenboek.nl/dialect/Ost%C3%AAns

he kledden , van Ninof ester ne gielen boek geskreven en nie alleen me bielekes he gelijk diennen van de zjee

gunther schreef:he kledden , van Ninof ester ne gielen boek geskreven en nie alleen me bielekes he gelijk diennen van de zjee

Voila ier eyt ip e plateauke, ne Ninoofse dixtionair en nu est an gie; http://www.mijnwoordenboek.nl/dialect/Ninoofs
Dadde es nogoal ne servies hé, groatis en vo nietens

Joat, joat, ke weet et, tes wok ne Jean moar den dezen goat zyn bakkeniël ne kje moetn uitspoeln me wywoater



Djudedjunondedje de viesplatine's zyn noa de klootn

kpeis da dien gin vis pattineekes nemieje hei zu...

Dus as ge e kljein preutelekkerke ziet lwopen langs de stroate moej et moa loaten weetn hé, da meiske goat tons wok were content zyn.

en jej etwuk geve mieshiens

Wuk ije overlatst gekogt (gin telecomande)  

Kin gister'n e skwon kwoopke gedoan gast'n, pijsde dak oal de Keufke's in myn collectje n'hoa mo zen overlatst ne nieuw'n utgebrogt en ton nog wel jin in't Kortriks en dus da koste nie vwoadre of ke moeste da wok enn he



Keufke en de krabbe met de goudne skoarn
Kin vwoa dak gen sloap'n en de printsjesboek nog geleez'n en tes vrjee komiek om da te leez'n in joen eig'n dialect. Den boek es gemakt me't e n'arde kafte.



En dadde es de kerwoat die da ollemoale vertoald ed in't Kortriks en jit da vrje goe gedoan en je magt da nog doene.


Tes ov'r iets da me't dialect te moak'n ed en zwoadus ek myne ankwoap moar ier geplaceerd en dus meug je wok moar iets repliceren in joen eig'n dialect, ABN es iere in diene topic ten stringste verbood'n

Tgoat er precis ier wok nog kluchtig an toe e, kgoan ier wok ne kje west vlams begun koetn

tamiya2000 schreef:Tgoat er precis ier wok nog kluchtig an toe e, kgoan ier wok ne kje west vlams begun koetn

Bwa we doen oes beste é e, azwo te ziene kun zje gie doa wok eentwa van, vo ne Nollandere te zyn doej gie da ni sligt  

tamiya2000 schreef:ok cavakes

Ranger Joe schreef:Cava??? Dat is toch om te drinken... 

Ier in de Vloanders en zekré dichte teeg'n de screve gebruuk'n we vyl Franske woord'n in oes dialect en Cava es doa jin van en da wil oal zoviele zeg'n of oewest me joen, Cava  

Wiene kan't er mie zeg'n wuk da nen opalur es  

Ge moetj gè doorom ni boi de grensj zitte zé ve Franse woerden in a dialect t'emmen. Da kan eivegoe vèn omda ter intertoid veil frans wird geklapt in a stei.

@ Hoggy :antwoord op je vraag :

Nje Sylvie ge zit er neffens en ge meugt da gerust in't Ostisch expliceren, ik wete daj gie da goe uyt uw bott'n keunt sloan  

À wa dist ton wel ? Nogtans me moeder et ta nog gebrukt vroeger ze dachten echt dat juste was  
Ostens is nie moeilijk é schrieven gelik da je tzegt lol
En eirluk spreken kunk goe mo schrieven is een ander verhaal

Nen haut parleur es iet woa datn muzik ut komt, lik bievwoarbjeld dat a jone compjoetre ankt vo tlawoai en de muzik en ol. De boksn da ze zegn. Kgoa ier sebit ne pinte drinkn want ken ier vanuchtent in ot en giprok zitn zoagn en tes ol drwoage in mi keelegat. Sante

Sylvie. schreef:À wa dist ton wel ? Nogtans me moeder et ta nog gebrukt vroeger ze dachten echt dat juste was  
Ostens is nie moeilijk é schrieven gelik da je tzegt lol
En eirluk spreken kunk goe mo schrieven is een ander verhaal

Awel Sylvie da Ostens goat u goe oaf, ge doe gie da vrje goe. K'wete nie wuk daj gie me joene kljeine pagadder goat doene moar  k'zoen dr'iets van kryg'n ak die jong oeuders teeg'n ulder kinders bezig w'hore in da bekakt ABN da eigenlik nog mossel nog vis es juust gelyk dat da nie zoe goan in't plat Vloams  en eigenlik kom't het zwoverre da zun't wok nie mjeer verstoan. myn zusters dochters zyn azwo ipgebrocht en a'k er in myn plat Vloams er teeg'n bezig benne bekyk'n ze my soms gelyk da'k van een n'ander planete komme en moe'n ze vroag'n an ulder moedre wuk da'k eigenlik gezeid en, es da nie vrjeed :?:A't da azwo vwoort goat klapp'n we binn'n 25 joar ier gin plat Vloams mjeer    We zyn wulder toch wok ipgebrocht in de toale van oes v'wooroeuders en we zyn wulder toch wok goe terechtgekoom'n of nie soms  Nog ne goe road; loat da bekakt ABN zjeere achterwege en zyt preus ip de toale die je van uw oeuders h'et meegekreeg'n

tamiya2000 schreef:Nen haut parleur es iet woa datn muzik ut komt, lik bievwoarbjeld dat a jone compjoetre ankt vo tlawoai en de muzik en ol. De boksn da ze zegn. Kgoa ier sebit ne pinte drinkn want ken ier vanuchtent in ot en giprok zitn zoagn en tes ol drwoage in mi keelegat. Sante

Hjeel juuste Sander, ge zyt er rechte ip en aj jin drinkt zuipt er ton jin mee vo my wok é



K'zoe ne kjé will'n ziene hoe da Sylvie eur moedre noar eur ploat'n van Lusie Loes luysterd en oe da ze eur nen tillefon ippakt  
Sylvie t'gjine da'j gie wil zegg'n es ne " parlefon" daj moe ippakk'n a ze an de deure bell'n vo oop'n te doene


Moar nu moe'k vwoart doene want k'moete nog iets "ip seréren" en k'zitte zondre seroage, wie kan er my ier an elp'n  

Vrje goe: zeer goed of heel goed
Wulder: wij
A't da : als dat
Klapp'n: spreken
Ipgebrocht: opgevoed
Preus: trots
Vwoart: verder
Ploat'n: elpee's
ippakt: op nemen
Zun't: ze het
T'gjine: hetgene

@Hoggy,

Wa ta kik goe doen me us zeuntje ewel osteis spreke kik der ollesins tegen zeker e vast ! mo ost nodig is gelik int schole ja kiek door kun ze nie anders dan da bescheten abn spreekn  ! Zelfve doenk da zeldn of ti's ost echt nodig is ! Alex go 3 diengn moetn leirn begriepn das wa ta de mama sprikt, ABN voe de grote noop en heil belangriek geboarentole voe de papa ! Kvint wel erg dak da osteis nie vele mi oorn mo da wil nie zegge dak et ooit gon ofleirn !
En eigeluk zie kik u bruggelink want door geboorn ! Mo nooit Brugs geleird spietig vink da !

Groetn van us

Nog ne woordje vo de miesjn vo te vertoaln. Wiene wit er wuk da da ier wilt zegn (ik weetnt wi ):

Lattestwoars

rolluiken (osteis lattestoors )

toeme, ze zegn da olgunter blikboar up tzelste maniere :p

Niet da'k ne chauvinistische West-Vloamink benne, ik vinne oalle dialect'n skwone en ik vin'det spytig dat'er minsken zyn die precies beskoamd zyn om ulder moedertoale te gebuik'n, azwo van " wuk goan ze wel nie pijzen van my a'k in myn dialect skryve", nie mee inzitt'n, oallezins zekers nie daj e boerke van "bachten de kuype" zyt. Der es toch niks gênant an om de toale van joen oeuders te gebuik'n , inteegndjeel dad'es e compliment daj goed ipgebrocht zyt en daj joen oafkomste nie wegsteekt.

Desmoboy (of wuk da uwe echte vwoornoame wok es) myn erte sprong omwhoge van contentement a'k da vanuchtend leesde, pijze daj gie da wok nie slicht zoe't doene en om et me't de woord'n van ne motard te zegg'n; gif moa goaze

Hoggy schreef:

desmoboy schreef:
Nee helemaal niets, gen klootn te zien op z'n west-vloams    

Get gie da vrjé skwone gezeid en joak k'zie ier wok oal zovele lyk onder e nunne eure rok;
"gen kl¤¤t'n" ondanks dat ier e bitje kloarder es.
Fabber ge meugt joen an ne "gerecomandeerd"n tillefon" verwacht'n, k'ga d'het joen ne kje skwone expliceer'n oe daj da zwyntje moe wass'n. Nie daj vo oal da met zwyns te moak'n et by my moe zyn moar ge verstoa wel é, we goan da arrangeer'n da Jan, Pier en Kloaj die skwone portrett'n keun ziene.
Ik khi dadde an Koentje (Ranger Joe) geljeerd om met portretteboek (Photobucket) te wirken en diene broave mins et da in h'et Vosselairs geëxpliseerd, amai myn kl¤¤t'n, zuk e dievetoale.......

Miljaardenondeju, in één trek he, hoggy joeng. Aje gie azo verder doe, goat westvloams hiere nog den hoofttoale wordn, LoL

desmoboy schreef:

LOL, the max joene, super he westvloams, we goan da nie tevele gebruukn he Hoggy of we goan nog onder uz voetn kriegn dat er hiere menschen zien dat ta hiere nie verstoan

Oallemoale niet'n van antrekk'n, ier meug'je joen ne kje goe loat'n goane zondre daj teeg'n uw voet'n krygt en a's zunt nie verstoan kunn'n we nog oaltyd de plong's van d' ondertitelinge of vertoalinge were in de plongkasse steek'n.

Bvb.

Plong's : zekeringen
Plongkasse : zekeringkast
Tjikkeningske : tekeningetje

En as ge't ton's nog nie verstoat kunn'n we der e tjikkeningske bij moak'n moar ik kan nie goe tjikkenen.

Hoggy schreef:Joat, joat, ke weet et, tes wok ne Jean moar den dezen goat zyn bakkeniël ne kje moetn uitspoeln me wywoater  



Djudedjunondedje de viesplatine's zyn noa de klootn

deju kannen dienen nog nie gezien, the max gotverdomme jean-marc de vortzak